Háls- og bakleikfimi Hörpu.
10 vikna námskeið frá 7. janúar til 16. mars, 2027.
Þriðjudaga og fimmtudaga kl. 12.00 til 12.55.
Aðgangur að tækjasal fylgir námskeiðinu.
Leiðbeinandi.
Harpa Helgadóttir, PhD í Líf- og læknavísindum við Háskóla Íslands.
Sjúkraþjálfari og sérfræðingur í stoðkerfisfræðum.
Harpa hefur kennt bakleikfimi í 35 ár.
Um leikfimina.
Fyrir hvern er leikfimin?
Leikfimin er fyrir konur með einkenni frá hálsi og/eða baki sem vilja faglega leiðsögn við æfingar. Æfingarnar eru miðlungserfiðar og eru ætlaðar þeim sem geta staðið eða gengið í minnst 30 mínútur í senn og geta gert æfingar í fjórfótastöðu, hliðarlegu, magalegu og baklegu.
Hvernig er leikfimin?
Í fyrri helming tímans eru æfingar gerðar í uppréttri stöðu og er áhersla lögð á líkamsvitund, góða líkamsstöðu og líkamsbeitingu í æfingum. Gerðar eru styrkjandi æfingar, stöðugleika- og jafnvægisæfingar sem brotnar eru upp með léttum danssporum til að bæta samhæfingu og minnka stífleika í vöðvum. Þátttakendur læra hvernig hægt er að auka og minnka álagið í hverri æfingu svo að æfingaálagið hæfi hverjum og einum.
Í seinni helming tímans eru gerðar styrkjandi og liðkandi æfingar á dýnu. Æfingarnar eru einstaklingsmiðaðar svo að þær mæti þörfum hvers og eins.
Hvað er innifalið?
Þátttakendur fá fræðslu og heimaæfingar í hverri viku, þar sem meðal annars er farið í þindaröndun, djúpvöðvaæfingar hryggjar og grindarbotnsæfingar.
Aðgangur að tækjasal Heilsuklasans fylgir námskeiðinu. Harpa veitir leiðsögn í tækjasal og ráðgjöf.
Heilsuklasinn
Bíldshöfði 9, 110 Reykjavík.