Námskeið í Grensáslaug
undir leiðsögn sjúkraþjálfara
mánudaga og miðvikudaga
frá 11. mars til 13.maí
1
Bakleikfimi í laug - stig 1
Kl. 11.30 og 16.10
Léttar æfingar sem byggja upp og bæta líðan í hálsi og baki.
Liðkandi og styrkjandi æfingar auk æfinga sem bæta stöðugleika, jafnvægi og öndun.
Æfingar fyrir þá sem hafa einkenni frá hálsi og baki, gigt og sjúkdóma þar sem forðast þarf ofálag.
Fullt er í hópana.
2
Leikfimi í laug - stig 2
Kl. 12.15 og 17.00
Miðlungs erfiðar æfingar sem byggja upp stoðkerfið og bæta líðan. Markmið æfinganna er að auka styrk, úthald, stöðugleika, jafnvægi og liðleika.
Æfingar fyrir þá sem hafa einkenni frá stoðkerfinu og vilja nýta eiginleika vatnsins í þjálfun.
Fullt er í hópana.
3
Leikfimi í laug - stig 3
Kl. 17.50
Miðlungs erfiðar og fjölbreyttar æfingar þar sem hver og einn stjórnar álaginu og getur valið að nota áhöld. Meiri áhersla er lögð á að auka styrk, úthald, stöðugleika og jafnvægi.
Skemmtileg og kröftug leikfimi með stigvaxandi álagi og fjörugri tónlist.
Fullt er í hópana.
Hitastig laugar er 34°C og eru tveir heitir pottar með vatnsnuddi.
Í æfingunum er vatnsyfirborðið í axlarhæð og er tíminn 45 mínútur.
Æfingarnar auka styrk, stöðugleika, jafnvægi, úthald og liðleika.
Áhersla er lögð á góða líkamsstöðu, líkamsbeitingu og líkamsvitund.
Námskeiðinu fylgir vikuleg fræðsla og heimaæfingar.
