Leikfimi í laug

Undir leiðsögn sjúkraþjálfara.

Þriðjudaga og föstudaga kl. 12.00 til 12.45.

Þú getur valið að vera einu sinni eða tvisvar í viku.

Upplýsingar:

Hitastig laugar er 33°C og eru tveir heitir pottar með vatnsnuddi.

Í æfingunum er vatnsyfirborðið í axlarhæð og er áhersla lögð á að bæta líkamsstöðu, líkamsbeitingu og líkamsvitund.
Styrktaræfingar, jafnvægisæfingar, liðkandi æfingar og teygjur eru gerðar í hverjum tíma auk æfinga sem bæta samhæfingu og stöðugleika.

Í hverri viku færðu fræðslu og heimaæfingar þar sem meðal annars er farið í þindaröndun, djúpvöðvaæfingar hryggjar og grindarbotnsæfingar.

Kennarar:

Katrín Björgvinsdóttir, sjúkraþjálfari.

Harpa Helgadóttir, PhD. Sjúkraþjálfari og sérfræðingur í stoðkerfisfræðum.

Þriðjudaga kl. 12.00-12.45

Léttar æfingar sem byggja upp og bæta líðan í hálsi og baki.

Liðkandi og styrkjandi æfingar auk æfinga sem bæta stöðugleika, jafnvægi og öndun.

Æfingar fyrir þá sem hafa einkenni frá hálsi og baki, gigt og sjúkdóma þar sem forðast þarf ofálag.

Föstudaga kl. 12.00-12.45

Léttar til miðlungs erfiðar æfingar sem byggja upp stoðkerfið og bæta líðan. Markmið æfinganna er að auka styrk, úthald, stöðugleika, jafnvægi og liðleika.

Æfingar fyrir þá sem hafa einkenni frá stoðkerfinu og vilja nýta eiginleika vatnisins í þjálfun.