Námskeið í Grensáslaug
undir leiðsögn sjúkraþjálfara
mánudaga og miðvikudaga
Ný námskeið hefjast 1. september og hefst skráning 4. ágúst.
Ef þú vilt fá tölvupóst þegar þegar skráning hefst, skaltu senda okkur tölvupóst á bakleikfimi@bakleikfimi.com
Tímarnir eru 45 mínútur í senn.
Hitastig laugar er 33°C og eru tveir heitir pottar með vatnsnuddi.
Í æfingunum er vatnsyfirborðið í axlarhæð og er áhersla lögð á að bæta líkamsstöðu, líkamsbeitingu og líkamsvitund.
Styrktaræfingar, jafnvægisæfingar, liðkandi æfingar og teygjur eru gerðar í hverjum tíma auk æfinga sem bæta samhæfingu og stöðugleika.
Í hverri viku færðu fræðslu og heimaæfingar. Þú getur valið að leggja áherslu á mjóbak og mjaðmir eða háls, efra bak og axlir.
Bakleikfimi í laug kl. 11.30 og 16.10
Léttar liðkandi og styrkjandi æfingar sem bæta líðan í hálsi og baki.
Æfingar fyrir þá sem hafa einkenni frá hálsi og baki, gigt og sjúkdóma þar sem forðast þarf ofálag.
Jafnvægisæfingar og teygjur eru gerðar í hverjum tíma.
Leikfimi í laug kl. 12.15, 17.00 og 17.50
Fjölbreyttar æfingar þar sem áhersla er lögð á styrk og úthald í æfingum auk þess sem gerðar eru jafnvægisæfingar, liðkandi æfingar og teygjur. Hver og einn stjórnar álaginu og geta þátttakendur valið að nota núðlu, bolta eða hanska til að auka vatnsmótstöðuna.
